.png){kind=small}
viel Spaß bei diesem Gastbeitrag ;)
Jeder Mensch isch ondost, dorüber brauch mor woll net long diskutiern. Und dass mor (no) koane Maschinen sein, sel wissmor a olle. Obo decht braucht dr menschliche Körper eppes wos nen täglich ausn Bett außer treib, a substanz de jenseits fa Essen und Trinken isch, netmol Pflichten kemmen an so eppes hin. Für mi persönlich nennt sich der Treibstoff Fuier. Meiner Meinung noch gibs an Grund wieso Gott in Moses in Form fa an Fuier erschienen isch. Moses wor domols in so a kritischen Situation und hot eigentlich koan Grund kop weiter zu mochn. Obo nor isch es Fuier kemmen.
I will domit net sogn dass jeder Mensch an gott glaben muas, na gor net, i wünsch dir lei dass du eppes findesch wos dir so Spaß mocht, dass egal isch, ob du um fünfe in dr Fria jeden Tog austian muasch, dass dr egal isch, ob du drei Toge long durchmochsch und, dass dr egal isch, wenn du vielleicht Menschen, de dr mol volle wichtig worn, hinter dir lossen muasch. So traurigs a isch: Fuier zerstört Holz damits leuchten konn. Obo um sel geats eigentlich im Leben, dass du, dass i, dass mir olle zusommen leuchten.
I bin stork drvun iberzeig dass es Leben a Reise isch obo ohne Treibstoff kimp man nirgends hin.
In Unfong isch logisch schwar zu verstian fir wos du brennsch, deswegn ischs volle wichtig, dass so viele Sochen wia meglich experimentiersch. Du wersch 100 mol auf die Schnauze fliagn, in Unfong koan Geld verdianen, net der oder die Beste sein obo wenn an Bam unzündesch startesch jo a erster lei mit oanem Ost, es dauert nor bis dr gonze Bam brennt. Wichtig dabei isch, dass ofteramol an Schritt zrug mochsch und dr es Fuier fa awian weiter weg unschaugsch, weil nor erkennsch erstens, wia viel no fahlt fan Bam und zwoatens zoags dr wia schian es Fuier isch wos jezt schun brennt, a wenns lei 3 Äste sein.
Wichtig isch obo a, dass nia auhersch zu experimentiern, weil Fuier brennt lei, wenns eppes gib wos brennbor isch, jeder Ost, jeder Prigl isch irgendwenn lei mehr Asche, deswegen ischs wichtig, dass olm neigierig bleibsch und olm auf dr Suche bleibsch noch Sochen, de dir Spaß mochn.
- anonym (danke dir!)
Comments